Haizetara Kale Musikarien Nazioarteko Lehiaketa arte honen beraren esentziarako bidaia bat da: musika artifiziorik eta gehigarririk gabea, kalean bertan eta gutxieneko eszenografiaz jotakoa. Portugaletik Poloniara edota Japoniara, bederatzi herrialdeko beste hainbat taldek zein baino zein jardungo dute ikusleak bereganatu eta herri-epaimahaiak ematen duen sari handia irabazi nahian. Epaimahai profesional batek, berriz, accesit bana emango die jotzaile eta talderik nabarmenei.

Haizetarak genero honen aniztasuna erakusten du, 'brass-band' klasikoetatik, Balkanetako musikara edota pop-era; musika-espezialitate gogorra eta ezezagun samarra. Udalerriko plazetan kokatutako gune ofizialek antolatzen duten eskaintza gastronomiko oparoak osatzen du lehiaketa.

Musika jaialdi berezi eta desberdina, nagusi zein txikientzat egokia den plana. Hori guztia asteburu bakar batean Haizetaran.