Kantari frantsesak Nouvelle Star telebista-saioaren laugarren denboraldian parte hartu zuen 2006n. Programa hori Christophe Willem-ek irabazi eta bere herriko salduena bilakatu zuen Pop Idol talent-showaren moldaketa da. Baina Faurek distira txikiagoko karrera izan du, eta 2014a arte itxaron behar izan du bere lehen albuma salgai ikusi arte, 'De silences en bascules' . Bitartean, segurtasuna irabazi eta kideko musikagileengana jo du ondo eratutako disko eder hau egiteko, moldaketa eta giroketa ugarirekin, lanaren itxura xumeak iradokitzen duen baino konplexutasun handiagoarekin eta eremu-sakonera handiko kantuak enfokatuz, zinemako terminologiaren arabera.

Artista honek 14 urte zituela erosi zuen lehenengo gitarra, Louise Attaque taldea ikusi ondoren, eta kantagintza frantsesaren tradizioari gain eginez, ozeanoaz bestaldeko eraginak onartu ditu, zuzeneko jardunean publikoaren arreta erakarri eta zale askoren mirespena eragiten duen folk ukituko soinu iradokitzailea gorpuzteko.