Fito & Fitipaldis-en birak 14 hiri bisitatuko ditu, ez gehiago eta ez gutxiago. Platero y Tú utzi ondoren bakarkako jardunean berebiziko bilakaera egin duen artista honek ohiko formatu zorrotzari eutsiko dio berriz ere, asfaltoarekiko gustuari eta errepika errazari. Azken bi biretan, milioi eta erdi pertsonak erosi zuten sarrera rockero bilbotarra ikusteko. Jendez betetako pabilioi haiek jarraitzaileen hurbiltasuna, distantzia laburreko intimitatea eta isiltasun eta xuxurlaren botere handia gogorarazi zizkioten.
Oholtza gainean, elektrizitate biziko eta lasaitasun akustikoko uneak txandakatuko ditu, rock and rolla swing, blues, boogie eta rockabillyaren ukituekin eta Marc Knopfler-en oihartzunekin uztartzen dituen errepertorio miragarria errepasatzeko. Carlos Raya, Javier Alzola, Joserra Senperena, Daniel Griffin eta Alejandro ‘Boli’ Climent musikarien laguntzaz eskainiko ditu bakarkako sei diskoetako doinurik onenak.