Declan Donnellan, Romeo Castellucci edo Simon Stone bezalako mundu mailako antzerki zuzendariek euren lanak aurkeztuko dituzte.
Josep María Flotats, Adolfo Fernández, Blanca Portillo, Hector Alterio, Mario Gas, Nuria Espert, Ramón Barea, Lluis Pasqual… antzerki programazioko figura azpimarragarriak izango dira.
Lehen mailako dantza egongo da, Ballet National de Marseille, Dresden Frankfurt Dance Company, Martha Graham Dance Company eta Compagnie Marie Chouinard talde ospetsuen ikuskizun hunkigarriekin.
War Requiem opera eszenaratuko da, Benjamin Brittenen gerraren aurkako alegatu ikusgarria, Calixto Bieitok zuzendua eta orain arte Suitzan eta Norvegian baino aurkeztu ez dena, arrakasta handia lortuz.
Juanjo Menak zuzendutako BBC Philarmonic orkestra, James Rhodes piano jolea eta Brooklyn Rider laukotearekin ariko den Anne Sofie Von Otter abeslaria daude kontzertuak eskainiko dituztenen artean.
Patxo Telleriaren eta Mikel Martínezen Ez dok hiru lan berriaren ERABATEKO ESTREINALDIA eta duela gutxi Parisen antzeztu den Jean Pitrau Pastoralean oinarritutako Ohiberritze ikuskizuna jasoko dira.