José Mari Razkin artista amateurraren argazki-proiektua, bere hitzetan:

Japoiko tradizio estetikoan, edertasunaren kakoa itzalaren igarkizuna harrapatzean datza. Mendebaldean, alderantziz, argia, txuria eta dizdiratasuna dira edertasunaren itxura garrantzitsuenak.

Edertasuna ez da berezko gai bat. Sustantzi desberdinek sortarazten dituen itzalaren modulazio joko sutil bat baizik. Hori dela eta edertasuna lortu daiteke kandela baten gar dardartiaren bidez, material desberdinen opazitate graduazioaren bidez ala espazio huts baten isiltasun eta ilunantz batetikan.

Hori dena buruan edukita, espero dut hemen aurkezten ditudan nere argazkiak horren adibidea izatea. Argazki batzuk, kandela baten argitasun bakarrekin eginak dira. Baina denetan, itzalaren graduazioak sortzen dituen kontraste finak azaleratzen ahalegindu naiz.

Ikusi ordutegia