1939ko udan Donostiako Musika Hamabostaldiko lehen edizioa abiatu zen, Europako musika jaialdi zaharrenetako bat, publikoaren errespetu eta txera izan duena eta baduena oraindik ere.

Erakusketa honek, besteak beste, aurkezten ditu jaialdiaren mugarri handiak, izen aipagarriak, gaur egun duen forma eman dioten aspektu sozialak eta Mikel Arce soinu-artistaren instalazioa. Hori dena da irudi eta soinu kaleidoskopio honen parte, musika ulertzeko era bat islatzen duena: komunikatzen duen musika, mugak zeharkatzen dituena, hunkitu egiten duena, sortzen duena eta poza ematen duena. Partekatutako historia bat.