María Isabel Cintas Guillén unibertsitate irakaslearen hitzaldia Manuel Chaves Nogales idazleari buruz, Literatura jazarriak zikloaren barruan.

1936aren amaieran, Espainiako Gerra Zibilaren hasieran, Manuel Chaves Nogales kazetaria erbesteratu egin zen bere familiarekin eta Pirinioak zeharkatu zituen baldintza oso kaskarretan, beste hainbeste espainiarrek bezala, eta beti eutsi zien Bigarren Errepublikaren printzipioei Francoren estatu-kolpearen aurrean. Frantzian, Emery Revesekin batera lan egin zuen egunkari aurrerakoietan, eta hark lagundu zion Ingalaterrara joaten Frantziaren erorketaren eta Pétain-en erregimenaren ondoren. Londresen, familiatik bananduta, Havas eta Reuters agentziekin kolaboratu zuen, eta Hego Amerikako prentsan parte hartu zuen, Ingalaterra faxismoaren aurrean Europako azken gotorleku demokratiko gisa defendatuz; gainera, bere agentzia sortu zuen, Atlantic Pacific Press, eta aliatuen garaipenean sinetsi zuen. 1944an hil zen, berrogeita sei urte zituela, gerra amaitu baino pixka bat lehenago. Frankismoak kondenatu eta bere obra debekatu zuen, hamarkadetan ahaztuta egon zena, geroago berreskuratua izan arte, XX. mendeko Espainiako kazetaritzaren figura handienetako bat gisa aitortua izan delarik.

María Isabel Cintas Guillén, Sevillako Bécquer Institutuko Gaztelania eta Literatura Saileko katedraduna eta burua, erretiratua. Bere ikerketa nagusia Manuel Chaves Nogales kazetari sevillarraren bizitza eta obran oinarritzen da, 1998an doktore-tesia eskaini baitzion. Hiru hamarkada baino gehiago eman ditu bere obra osoa berreskuratzen eta bere biografia egiten. Lan horren emaitza, Chaves Nogales. El oficio de contar liburuarengatik 2011n jaso zuen Domínguez Ortiz saria izan zen.Hainbat argitaletxetan argitaratu ditu bere lanak, Espainian zein atzerrian. Halaber, ikerketa eta dibulgazio lan handia egin du nazioartean. 2021ean biografiaren edizio zabal bat argitaratu zuen, Chaves Nogales. Andar y contar. izenekoa.