Jokin Lasa, Kaki Arkarazo eta Pello Ramírezen Aberriak eta atzerriak emanaldia.

Euskal literaturaren alorrean Gerraurreko belaunaldia bezala ezaguna den idazle eta olerkari talde garrantzitsu, are ezinbestekoaren, zortzi olerki, aberriari begira atzerrian (kanpokoan zein barnekoan) idatziak: Orixe, Lizardi eta Lauaxeta behin eta berriz goraipatuenekin batera, Peli Markiegi, Jokin Zaitegi eta Telesforo Monzón, agian ezezagunagoen olerki esanguratsuenetakoak.

Zeregin horretan hiru musikari oholtza gainean: Jokin Lasa, ahotsa eta gitarra; Kaki Arkarazo, gitarrak; eta Pello Ramírez, txeloa eta akordeoiarekin, egitasmo honetako zortzi abestiekin batera 70eko hamarkadan ezagunak egin ziren Nire Herria Bezala diskoko beste hainbat emateko.