John Zorn, Abangoardiako Jazzaren erreferentzia nagusia, artista emankor eta polifazetikoa da: konpositorea, moldatzailea, ekoizlea, saxofonista eta multiinstrumentista. Bere izena interprete, konpositore edo ekoizle gisa agertzen da ehunka albumetan. Genero ugari landu ditu: jazza, rocka, hardcore punka, musika klasikoa, klezmerra, musika inprobisatua, soinu-bandak...

Aipatutako guztiaz gain, Zornek katalizatzaile lana egiten du abangoardiaren eremuan, batez ere New Yorkekoan, non balio eta oihartzun handiko ehunka musikari kokatzen diren. Izan ere, New Yorken egiten den Jazza ezin da ulertu Zornen orbitan mugitzen den musikariren batek parte hartu gabe.

John Zornek Jazzaldian egindako emanaldi arrakastatsuek arrasto sakona utzi dute: 2013an bere Masada Marathonekin, 2015ean Bladerunner Triorekin eta 2019an, Donostiako Jazzaldia Saria jaso zuen urtean, Bagatelles Marathonekin. Jazzaldiaren 59. edizio honetan, maisu estatubatuar handia honen musika 6 talderen eskutik eskainiko da; hiru egunetan jarraian arituko dira, uztailaren 26an eta 27an Kursaal Auditorioan eta, 28an, Trinitate plazan.

Hauek dira 6 proiektuetan parte hartu duten musikariak: Julian Lage, Gyan Riley, Brian Marsella, Jorge Roeder, Ches Smith, John Medeski, Matt Hollenberg, Kenny Grohowski, John Zorn eta Kenny Wollesen.

John Medeski (organoa), Brian Marsella (piano elektrikoa), Matt Hollenberg (gitarra), Kenny Grohowski (bateria)

Chaos Magick magia garaikidea da, Austin Osman Spareren ideietan oinarritua. William Burroughs, Robert Anton Wilson, Aleister Crowley eta beste idazle askoren eragina biltzen duen lana.

Praktika magiko horiek inspiratuta, Simulacrum errekrutatu du Zornek. Taldea ahalmen handiko hiru musikarik osatua da, eta Brian Marsella gonbidatu berezia gehitu zaie piano elektrikoan. Horrela sortu da laukote eklektiko hau, Chaos Magick.

Musikari horiengan nabarmentzekoak dira beren abilezia, inprobisatzeko gaitasuna eta musika klasikoa, jazza, funka, inprobisazioa, metala... nahasteko duten modua, berdinik ez duena. Ezarrita dagoen guztia gainditzen duen zoramen liluragarria, non ?ezer ez den egia eta dena den zilegi?.

John Zorn (saxoa), Julian Lage (gitarra), Jorge Roeder (baxua), Kenny Wollesen (bateria)

John Zornen talde berri eta zirraragarria, New Masada Quartet, lau birtuoso bikainen arteko batasun sendoa da, Zornek inoiz izan duen talde onenetakoa: gitarraren maisu Julian Lage; baxuaren magialari Jorge Roeder; Kenny Wollesen, 30 urte daramatzana Zornekin bateria jotzen; eta John Zorn bera, zuzendaritzan eta saxoan.

Zuzenekoetan, sekulakoa da sortzen duten energia, eta inoiz ez bezala bizia ematen diote Masadaren musikari. Zornen ?stop and start? zuzendaritzapean, doi-doi eratutako taldea da The New Masada Quartet, beren solo sutsu, lirismo zintzo eta erritmo hipnotikoekin atsegin ematen diguna.

John Zorn at Jazzaldia abonamendua:

John Zornek Donostiako 59. Jazzaldian emango dituen kontzertuak biltzen dituen abonamendu bat badago. Hemen eskuragarri.