Lourdes Hernandez bueltan da berriz 'Agent Cooper'-diskoarekin. Girotze eta sentimenduz betetako disko honetan, bere ahotsaren hainbat erregistro erakusten du. Gizonezko izenak daramatzaten hamar kantu berriotan, une atmosferikoak biltzen ditu, batzuk dantza egiteko aproposak eta beste batzuk pop jite nabariz hornituak. Baina batez ere, elektrizitatea bereganatu du pop atsegin, pausatu, retro samar, xalo eta akustikoan sailkatutako artistak. Pixka bat kikilduta azaldu ondoren, madrildarrak barnean zeraman zarata kanporatu eta bere burua berrasmatu du U2, Beck, The White eta The Strokes taldeekin aritutako Joe Chiccarelli ekoizlearen eskutik.
Lan berria Lourdes-i urrezko diskoa eman zion 'I love your glasses' lehen albuma argitaratu eta sei urtera dator. Ondoren etorriko zenaren aurrerapena besterik ez zen izan, bigarrena 25 herrialdetan argitaratu eta Europatik, Ameriketatik eta Asiatik pasatuz 120 emanaldi izan zituen bira batean aurkeztu baitzuen. Russian Red-en ordua da.