Hijas de la Lunak bizi-bidaia zikliko batera garamatza, emakumeen eta, ondorioz, pertsona guztien bizitzan barrena. Une intimoak, dibertigarriak, etsigarriak, mingarriak gordintasunez bezain sentikor jasotzen ditu.
Bizitzaren faseei buruzko begirada berri bat emateko ahalegina da, imaginario kolektiboan iraungo duena, gure iragan hurbileneko emakumeen testigantza berrirudikatuko duena eta, aldi berean, gure egunerokotasunaren ohiko eszenetan barneratuko dena.
Ikuskizun samurra, zirraragarria, delikatua, ausarta, hainbat lengoaia eszeniko elkartzen dituena, gorputzetatik edo hitzetatik hasi eta poesia, sinboloak eta musikaraino.
Sentitua, asmatua eta emakumeek sortua, ikusleen erraiak astintzeko da pieza hau. Ezinbesteko hitzordua antzerkiarekin; ezinbesteko hitzordua antzerkiarekin.
Emakumeen unibertsoa, erraietatik kontatua.