Ziklo-foroa hausnarketa- eta elkarrizketa-jardunaldian hainbat gai jorratuko dira, hala nola migrazio- eta harrera-politikak, nazioarteko lankidetza, gizarte-berrikuntza, hiriek desberdintasun globalen aurrean duten zeregina eta giza eskubideen babesa.

Parte hartuko duten erakundeen artean daude, besteak beste, Eusko Jaurlaritza, Gipuzkoako Foru Aldundia, Gobernuaren Euskadiko Ordezkaritza, Mondragon Unibertsitatea, Kinshasa Republica Democratica del Congoko Institut Du Bâtiment Et Des Travaux Publics, CEAR, Zehar-Errefuxiatuekin, Riohacha-ko alkatetzak, Real Instituto Elcano eta Garapenerako Erakundeen Estatuko Koordinakundea.

Programa:

10:00-12:00 Harrera eta aurkezpena. Migrazio seguru eta inklusiborako politikak. Eskubidedun migrazioa ahalbidetzen duten esperientzia eta politika publikoak.

12:00-14:00 Lankidetza eta elkartasuna mugimenduan: Ipar-hego eta hego-hego lankidetza-ekintzak, bizitzak eta lurraldeak eraldatzen dituztenak.

16:00-19:00 Desberdintasun globalak, migrazioaren egiturazko kausa.

Goizean zehar kafe-etena eta eguerdian bruncha eskainiko dira.

Informazio gehiago: Emigrad@s sin Fronteras (posta elektronikoa)