Telmo Esnalek eta Asier Altunak zuzendutako 2005eko filma . Iraupena: 97'.

Euskaraz, azpitituloak gaztelaniaz.

Sinopsia: Oporretara abiatu aurretik justu, Patriciok, Etxebeste familiako aitak, dei bat jaso du bankutik, dirurik ez duela eta bere kontu guztiak bahitu dituztela jakinarazteko. Patriciok gainerakoei ezer ez kontatzea erabaki du, eta ezer gertatu ez balitz bezala jarraitu: maletak autoan sartu, auzokoei agur esan eta Marbellarantz abiatu dira. Bidaiari ekin bezain laster bidetik aldendu da Patricio, familia osoari plan berria iragartzeko: etxean igaroko dituzte oporrak, kalera irten gabe, herriko guztiek pentsatzen jarrai dezaten hondartzan daudela, eguzkiaz gozatzen.