Mag Lari (jaiotzez Jose Maria Lari Vilaplana) Juan Tamariz handiaren liburu baten bidez hurbildu zen magiara. Ekinaren ekinez, ilusionista handi bihurtu eta Magia Komikoaren Sari Nazionala irabazi zuen 1996an. Gehienek hainbat telebista saioetan egindako kolaborazioengatik ezagutzen dute, besteak beste TV3 kateko 'El Club'-en eta La Sextako 'Buenafuente' saioan. Bere emanaldietan, ilusionismo klasikoa eta magia bisuala uztartzen ditu Mag Larik, 'Ozom' ikuskizunean erakutsi zuen bezala. 'Dolce Vita' ikuskizun berrian ikusleekin partekatzen du protagonismoa.