Oregon jazz talde akustikoko buru, konposatzaile, gitarra-jotzaile eta teklista izateagatik ezagunagoa den arren, ibilbide aberatsa du bakarlari gisa eta lankidetza emankorra eta gogoangarria izan du hainbat musikari moderno handirekin; besteak beste, Gary Burton, John Abercrombie, Egberto Gismonti, Larry Coryell, Keith Jarrett, Jan Garbarek eta Gary Peacock-ekin. Ralph Towner etengabeko berritzailea da musika modernoaren panoraman; ideia freskoak ditu beti, dagoeneko hogeita hamar urteko ibilbidea badu ere.