LEHIAKETATIK KANPO

Alemania. Zuzendaritza: Jörg Adolph. Ekoizpena: Friederich Oetker / Constantin Film. Gidoia: Jörg Adolph. Argazkia: Daniel Schönauer, Jan Haft. Musika: Franziska Henke. Muntaketa: Anja Pohl. Iraupena: 101 min.

HIZKUNTZA: alemana / AZPITITULUAK: gaztelania

Mundu osoak hitz egiten du ingurumenari buruz, baina ez du tarte bat hartzen naturak berak dioena entzuteko. Peter Wohlleben basozain alemanak Zuhaitzen bizitza sekretua saiakera argitaratu zuen 2015ean, non ordura arte inork ez bezala hitz egin zuen Alemaniako basoez. Liburua 40 herrialde baino gehiagotan argitaratu zen, eta salmenta arrakasta handia izan zuen. Dokumental hau Wohllebenen irudira eta lanera hurbiltzen da; lagundu egiten dio munduan zehar egiten dituen bidaietan eta basoetan egiten dituen bisita gidatuetan, eta hitza ematen dio ikuslearekin parteka ditzan zuhaitzei eta naturari buruz dituen pentsamenduak.

Gonbidapenak: Victoria Eugenia Antzokia & Antzoki Zaharra (apirilak 19 / 11:30)