© Luis Buñuel Film Institute

México. Zuzendaritza: Luis Buñuel. Ekoizpena: Isla Films. Ekoizlea: Manuel Altolaguirre. Gidoia: Manuel Altolaguirre, Juan de la Cabada, Luis Buñuel. Argazkia: Alex Philips. Musika: Gustavo Pittaluga. Muntaketa: Rafael Portillo. Aktoreak: Lilia Prado, Esteban Márquez, Carmelita González, Gilberto González, Luis Aceves Castañeda.

Oliverio gaztea behartuta dago bere ezkon gaua bertan behera uztera, bere ama, doña Ester, oso gaixo jarri delako eta eskatu egin diolako Figueroa lizentziatuaren bila joateko hark testamentua idatz dezan. Oliveriok autobus bat hartuko du eta era guztietako egoerei egin behar izango die aurre bidaian. Film hau esperientzia erreal batetik sortua da; Buñueli bere lagun Manuel Altolaguirrek, poeta espainiar exiliatuak, kontatua. Harekin batera egin zuen gidoia eta hark ekoiztu zuen pelikula.