© Luis Buñuel Film Institute

Mexiko. Zuzendaritza: Luis Buñuel. Ekoizpena: Ultramar Films. Ekoizleak: Oscar Dancigers, Fernando Soler. Gidoia: Luis Alcoriza eta Raquel Rojas, AdolfoTorrado-ren antzerki-lanean oinarriturik. Argazkia: Ezequiel Carrasco. Musika: Manuel Esperón. Muntaketa: Carlos Savage. Aktoreak: Fernando Soler, Rosario Granados, Andrés Soler, Rubén Rojo, Gustavo Rojo.

Ramiro Mata alargun aberats bat da, parrandazalea eta edariari emana, eta utzi egiten dio bere familiari bere dirua xahutzen. Bere seme-alaba Virginia eta Eduardo, bere anaia Ladislao, eta bere koinata Milagros besterik ez dute nahi beregandik, dirua, eta horri esker daramate luxuz eta erosotasunez jositako bizimodua. Egun batean, ordea, Ramiroren beste anaia bat, Gregorio, iritsiko da etxera, eta erabaki egingo du egoera horri azkena ematea. Hartara, familia osoari sinestaraziko dio agortu egin dela familiaren dirutza. Lanean hasi beharrean izango dira biziraun nahi badute.