Omenaldi sentitua komikigile eta ilustratzaile argentinar handi bati, munduan ezagun diren lanen egileari ?besteak beste, El cuarto poder, Ciudad eta La casta de los Metabarones? joan den apirilean Covid-19ren ondorioz atsekabez utzi gintuenari. Donostiako Fantasiazko eta Beldurrezko Zinemaren Asteak, Fnac-ekin lankidetzan, erakusketa hau aurkezten du, Vilagarcía de Arousako Curtas Festival do Imaxinario-k eta Espainiako Komikiaren Lagunen Elkarteak antolatua. Betiereko Juan Giménez erakusketak haren lagun eta lankideak bildu ditu, guztiak ere izen handikoak ilustrazioaren eta komikiaren munduan, haien artean, Salvador Larroca, Ángel Unzueta, Pascual Ferry eta Jesús Merino.