Zozketak

ARTE ESZENIKOAK
Testua: DFG-GFA

BONOKULTURA GIPUZKOA
DFG-GFA
Gipuzkoako 64 liburudendek bat egin dute Bonokultura kanpainarekin
2018-12-11
8.854 kultura bono jarri dira  salgai Gipuzkoako 64 liburudendetan. 3.542 bonu euskaraz dauden kultur produktuak erosteko dira eta 5.312 bonu euskara ez den beste hizkuntza batean dauden kultur produktuak erosteko. Horretarako, Kulturako Departamentuak 85.000 eurotako dirutza jarriko du.

Aurten dendak 64 izango dira, iaz baino hamahiru gehiago, eta herriak ere ere iaz baino bost gehiago izango dira. Herriak hauexek dira: Andoain (1), Arrasate, (1), Asteasu (1), Beasain (1), Bergara (1), Donostia (25), Eibar (2),  Elgoibar (1) , Errenteria (4), Hernani (2), Irun (3), Lazkao (1), Legazpi (1), Mendaro (1), Mutriku (2), Oiartzun (1), Ordizia (1), Orio (1), Oñati (4), Soraluze (2), Tolosa (2), Usurbil (1), Villabona (1), Zarautz (2) eta Zumarraga (2).

 

Bonoa urtarrilaren 15a baino lehen erabili behar da erositako leku berean. Ezingo dira testuliburuak, ikasketa liburuak eta liburu profesionalak erosi.

 

Bonoak ezaugarri hauek izango dituzte:

 

  • Euskal kultur produktuen bonuak gehienez 12 euroko  hobaria izango du 20 € baino gehiagoko erosketa egiterakoan.

 

  • Euskara ez den bestelako hizkuntzetako kultur produktuen bonuak gehienez 8 euroko hobaria izango du 20 € baino gehiagoko erosketa egiterakoan

 

Bonuak lurralde eta eskualde orekaren eta establezimendu bakoitzaren pisu espezifikoaren arabera banatu dira. Urtarrilaren 15 arte erabili ahal izango dira, eta salgai egongo dira liburuak, musika edozein euskarritan eta filmak saltzen dituzten Gipuzkoako dendetan, betiere kanpaina honi atxikitakoetan.

 

Saltokiei eskertu egin nahi diet kanpainarekin bat egitea guztion mesederako izango baita. Kulturaz gozatzeko nolabaiteko “sukar” kutsakorra sortzen da egun hauetan, eta urte guztira zabaltzea nahiko genuke.  Lortu nahi dugu bonua ahalik eta pertsona gehienek baliatu ahal izatea, eta Gipuzkoa osoko hurbileko merkataritza bultzatzea. Halaber, euskarazko eta gaztelaniazko produktuetarako bonuak bereizi ditugu, euskarazko kulturaren kontsumoa bermatzeko. Izan ere, kulturaren salmenta sustatzeaz gain, euskal kulturaren ekoizpena eta sorkuntza ere bultzatu nahi ditugu”, esan du Itxasok.

 

“Ekimen honen helburua da herritarrei laguntzea kultur ondasunak eta eskuratzen eta kultur sektoreko enpresak indartzea” azaldu du Itxasok. 
 

Eguberriei begira, kulturarekin gozatzea sustatu, saritu eta fidelizatu nahi da, eta liburu denda eta disko dendek osatzen duten merkataritza eta banaketa sarea indartu eta babestu, izan ere, kultur produktuen eskaintza zabala eskaintzen dute, bizi garen gizarte moderno eta kulturaniztun honi dagokion bezala.


Segur aski asko interesatuko zaizu...
ZINETIKA FESTIVAL
! Nazioarteko topaketa hau azaroaren 15etik 21era izanen da Iruñean, Donostian eta Bilbon, zinea, masterclassak eta per... (gehiago irakurri)
Gabonak garai benetan berezia dira Arrigorriagan; alde batetik, Euskadi osoan erreferentzia den Epifaniaren antzezpena dugula... (gehiago irakurri)
Euskarazko ikus-entzunezkorik nabarmenenek erakusleiho berezia izango dute 2013ko Durangoko Azokan, euskal kulturaren plaza n... (gehiago irakurri)
LORALDIA
2019ko martxoaren 12an hasi eta hilabete luzez, apirilaren 7ra arte, iraungo du Loraldia Festibalaren 5. edizioak. Edizio ho... (gehiago irakurri)
GABONETAKO POSTALAK
Abenduaren 7an Durangoko Azokan egindako tailerrean izaera bereziko haur eta familiekin sortu genituen ditu postalak Bizipoza... (gehiago irakurri)
Dantzerti Euskadiko Arte Dramatiko eta Dantza Goi Mailako Eskolako ikasgelek bigarren promozioa hartuko dute irailetik aurrer... (gehiago irakurri)
Kmon emanaldien egutegia
Gastronomia
Bidaiak
© Gestor de contenidos Gestor de contenidos HagaClic





Kmon

Licencia de Creative Commons
Esta obra está bajo una licencia de Reconocimiento-NoComercial-SinObraDerivada 4.0 Internacional de Creative Commons