Europa Ekialdeko etorkin bat Belgikako ospitale psikiatriko batean ospitaleratuta eta bergizarteratze linguistiko terapia batean dago bere gaixostasuna sendatzeko: bere ama hizkuntzan ez idaztea. Baina ez da eroetxeko gaixo bakarra. Terapia aurrera joan ahala, gaixo gehiago ezagutuko ditu; denek sindrome berdina dute: idazle atzerritarraren gaitza.

Zergatik aldatzen du idazle batek hizkuntzaz? Ikasitako hizkuntza batean sortzeak mugak ditu? Zein harreman du idazleak adopziozko hizkuntzarekin? Umorez planteatzen ditu galdera horiek satira bikain eta zorrotz, baina ez ditu erantzuten.

Hitzaldia hezkuntza tailerrean izango da.

Foto: © Mirna Pavlovic