"Europar literaturak" zikloaren barruan, Iñaki Urdanibiak zuzenduko duen zazpigarren solasaldian Lars Gustafsson (Västeràs, 1936 –  Estocolmo, 2016) egilearen Muerte de un apicultor (1978) nobelari buruz hitz egingo dugu.

Lars Gustafsson, poeta eta nobelagile suediarra, bere estatuko egilerik emankorrenetakoa, egile liriko, barnerakoi, existentzialista eta erromantikotzat hartu izan da. Hainbat sari lortu zuen: Prix International Charles Veillon des Essais 1983an, Heinrich Steffens Preis 1986an, Una Vita per la Letteratura 1989an eta John Simon Guggenheim Memorial Foundation Fellowship poesia saria 1994an, besteak beste.

Muerte de un apicultor nobelak zenbait koadernotan jasotako apunteak aztertzen ditu, non gaixo baten azkeneko mementoak azaltzen diren. Hau da aitzakia, modu oso pertsonal eta poetikoan, bizitza baten eta gizarte baten ereduaren balantzea egiteko.