Erakusketari Henri Michaux. Beste aldea jarri diote izenburu, sortzaile belgikarrak bere lan artistiko eta literarioaren xedea izendatzeko erabiltzen zuen terminologia hain zuzen ere. Muga intelektual eta artistiko berrien etengabeko bilaketan, bere barnearen esploratzaile nekaezina izan zen. Hala, 50eko hamarkadan sustantzia psikoatiboak erabili zituen esperimentazio artistikorako baliabide gisa. Etapa horren emaitza diren zenbait artelan ikusgai daude Bilbon.
Margolari eta idazle emankorra, milaka lan sortu zituen lanean aritu zen sei hamarkadetan, eta eragin nabarmena izan zuen bera ezagun zuten artistengan; are gehiago, Andre Gide eta Francis Baconen mailako figuren laudorioak jaso zituen. Ibilbide horren laburpen gisa, erakusketak hiru ardatz tematikoren ditu: giza irudia, alfabetoa eta psike aztoratua.Guggenheim Museoak Pariseko Michaux Artxibategiekin elkarlanean taxutu du aurrez inoiz erakutsi gabeko lanak biltzen dituen erakusketa. Bertan presentzia dute Michauxen funtsezko sailek: hondo beltzak, frottageak, mugimenduak eta marrazki meskalinarrak.