Programazio horretan aurkitzen ditugu 52. Heineken Jazzaldi honetako izen erakargarrienetako batzuk: Ray Gelato, Donny McCaslin, Lucky Chops eta Sir The Baptist, baita tokiko bi talde ere, Luma eta Grande Days (Katapulta zirkuitukoak) eta Anna Meredith britainiar pop instrumentaleko diva berriaren emanaldi esklusiboa, bere proposamen guztiz pertsonalarekin.

Alderdi Eder eta Udaletxeko Terraza garrantzi handiko tokiak izan ziren 90eko hamarraldian Jazzaldiari eman zitzaion bulkada berrian, hain zuzen ere, Jazz Band Ball-a egiten hasi zenean, Heineken Jazzaldiaren hasiera –eta Donostiako udarena, nolabait esanda– markatzen duen eta doako zenbait agertokitan ospatzen den jazz festa handi hori. Han jo zuten, esate baterako, Blues Brothers taldeak, John Mayall-ek eta Phil Woods-en Big Band-ak.

Skoda Gunea iaz estreinatu zen Konstituzio Plazan. Gunearen programazio formulak izan zuen harrera bikainak leku zabalago eta ikusgarritasun handiagoko batera lekualdatzea aholkatu du. Aurrera jarraitzen du, horrela, Skodaren –Heineken Jazzaldiko auto ofiziala– eta Jazzaldiaren arteko lankidetza emankorrak. 

Uztailak 22
19:30. Sir The Baptist 22:00. Luma

Uztailak 23
19:30. Ray Gelato & The Enforcers 22:00. Sir The Baptist

Uztailak 24
19:30. Grande Days 22:00. Anna Meredith

Uztailak 25
19:30. Donny McCaslin Quartet 22:00. Lucky Chops