Gipuzkoako Foru Aldundiak KBulegoa izeneko erakunde berria jarri du martxan, lurralde horretako kultura-agenteei laguntzeko bulegoa, alegia. Erakunde berriak ez ditu soilik laguntza ekonomikoak bideratuko, eta aholkularitza politikekin lagundu ere parte hartuko du sorkuntza prozesuan. Izan ere, kultura-sektoreek zailtasun handiei aurre egin behar diete, eta bitartekaritza-tresna berriak eta eraginkorragoak behar dituzte, erantzungo dietenak testuinguru gero eta konplexuago eta globalago baten beharrei.
Hala, Aldundiak inplikazio jarraitu bat izango du laguntza eskaintzen dien kultura- eta sorkuntza-enpresak garatzeko prozesuan. Barne hartuko du aholku ematea kulturaren alde lan egiten duten sortzaile, elkarte, erakunde eta enpresei, baldintzarik onenak sor daitezen sektore hori garatzeko, bi arrazoirengatik: bata, gizartearen garapen sozial, ekonomiko eta kulturalean duten garrantzia, eta bestea, enplegua eta aberastasuna sortzen dituzten sektore gisa duten ahalmena.
KBulegoko arduradunek lankidetza-ibilbide luzea dute Gipuzkoako kultura-eragileekin. Donostian bertan eskainiko ditu bere zerbitzuak, Errege Katolikoen kaleko 16an, hain zuzen (Komikigunearen eraikin berean), eta ordutegiak berrikuntza bezala izango du arratsaldez ere zabalik egongo dela (16:00 – 20:00). Gipuzkoako lurralde osora fisikoki nahiz birtualki iristeko borondatearekin lan egingo du. Ordutegia izango da 11.00-13.00 eta 16.00-20.00
. Telefonoa 943 113343 eta posta elektronikoa: KBulegoa@gipuzkoa.eus