Kmon.info: Aurreko Datak

‘Bufoi’ hitza duhin bihurtu duen artista, Leo Bassiren umoreak gizartearen kontzientzia astintzen du errukirik gabe. ‘Utopía’ ikuskizun berrian, kritika zorrotza egiten dio XXI. mende hasierako ezkerrari.

Une talde bizkaitarrak ‘Hegalik gabe hegan’ diskoa aurkeztuko du, metalaren indarra melodia dotoreekin uztartzen dituen lana. Zain-ek (Berriz) ere lan berria dakar, ‘XXI mendeko piratak’, rock doinu bikainez gainezka datorren grabazioa.

Umeei zuzenduta badago ere, familia osoak gozatzeko aproposa den dantza-ikuskizun zoragarria, Nats Nus konpainia katalanarena eskutik. Munduan zehar bidaiatzeko aukera izango dugu lau pertsonaia zorok gidatuta.

Magia, umorea eta ondo zaindutako eszenografia erabiltzen ditu Txan Magoak. Momentu harrigarriz beteriko emanaldia.

Nostalgiarako tartea Euskal Rock Erradikalaren garaia gogora dakarkigun antzezlan honetan. Aktoreek zuzenean jotzen dituzte garai hartako abestiak; doinu horiek dira istorioaren haria.

Joseba Sarrionandiaren poesia ardatz duen ezohiko muntaia. Zuzeneko musikak eta ikus-entzunezko efektu harrigarriek osatzen dute ikuskizuna

Bi proposamen desberdin eta interesgarri. Eneko Burzako bakarlaria Mobydick-en bultzatzailea da, Bilboko Hiria rock lehiaketaren azken edizioko ezusteko atseginetakoa. Zaldiak, berriz, Hannot (Audience) eta Ibonen (Bi-Rss) proiektua da.

Azken hamarkadako talderik interesgarrienetako batek disko berria aurkeztuko du kontzertu honetan. 'Ausardiaren garaia' (Bonberenea) energia darien atmosfera instrumentalez beterik dator.